Fases

As fases necesarias para o desenvolvemento e implantación da Axenda 21 do Salnés, representanse a continuación de maneira esquemática

FASE I –AUDITORÍA. Descrición da situación económica, social e ambiental da Mancomunidade. Esta fase conta coa participación cidadá, na que se utilizan diversas metodoloxías sociolóxicas para valora-la percepción que os cidadáns, tanto a título individual, como asociados en colectivos representativos, teñen da situación do seu Concello. P A R T I C I P A C I Ó N C I D A D Á FASE II.-PRESENTACIÓN DE ALTERNATIVAS. Definida a situación de partida trátase de presentar as diferentes alternativas que conducirían o desenvolvemento da Mancomunidade polo camiño da sostenibilidade. Novamente a participación cidadá é a clave tanto para definir as alternativas máis idóneas como para sinalar as prioridades de actuación. Trátase de acadar o maior consenso posible para defini-los Plans de Acción. FASE III.- PLAN DE SEGUIMENTO. Conxunto de mecanismos que permiten seguir a evolución dos aspectos analizados e avalar o grado de cumprimento do plan de acción. Nesta fase defínense indicadores de carácter global e sectorial (Cadro de Indicadores), co obxecto de cubrir a evolución de cada Concello e da Mancomunidade en canto a criterios de sostenibilidade. Créase un órgano consultivo encargado do seguimento do Plan de Acción e mantenemento ou actualización do cadro de indicadores (Consello da Axenda 21 do Salnés) .

As tres fases son secuenciais na implantación da Axenda 21 do Salnés, e paralelamente as tres desenvolven as actividades de Participación Cidadá nas que se especifica a forma en que se articula a participación dos cidadáns e do Consello da Axenda 21 do Salnés, como órgano de debate, consulta e participación cidadá, no proceso de implantación e desenvolvemento da Axenda 21 (entrevistas, reunións, Consellos Sectoriais, páxina web).